LIGI KUU YA VODACOM YAINGIA RAUNDI YA 9

Wakati raundi ya nane ya Ligi Kuu ya Vodacom (VPL) inakamilika leo (Desemba 29 mwaka huu) kwa mechi tatu, ligi hiyo itaingia raundi ya tisa Januari 3 mwakani kwa mechi tano.

Coastal Union itacheza na JKT Ruvu katika Uwanja wa Mkwakwani, Ruvu Shooting itaikaribisha Kagera Sugar kwenye Uwanja wa Mabatini, Azam itakuwa mwenyeji wa Mtibwa Sugar katika Uwanja wa Azam Complex, Stand United itakuwa mgeni wa Polisi Morogoro kwenye Uwanja wa Jamhuri wakati Mbeya City na Yanga zitaoneshana kazi kwenye Uwanja wa Sokoine.

Ligi hiyo ambayo itachezwa mfululizo (non-stop) hadi itakapomalizika Mei 9 mwakani, itakamilisha raundi ya tisa Januari 4 mwakani kwa mechi kati ya Mgambo Shooting na Simba kwenye Uwanja wa Mkwakwani, na Tanzania Prisons itakayokuwa mwenyeji wa Ndanda kwenye Uwanja wa Sokoine.

Nayo mechi kati ya Mtibwa Sugar na Stand United ambayo jana ilivunjwa na mvua dakika ya 6 imemaliziwa leo ambapo timu hizo zimetoka sare ya bao 1-1.

Wakati huo huo, mechi ya ligi iliyochezwa jana usiku kwenye Uwanja wa Azam Complex imemalizika kwa wageni Ruvu Shooting kuibuka na ushindi wa bao 1-0 dhidi ya JKT Ruvu. Bao hilo lilifungwa kipindi cha kwanza kwa mkwaju wa penalti uliopigwa na Hamisi Kasanga.  

MBAO FC YAKAMATA USUKANI SDL

Timu ya Mbao FC ya Mwanza imekamata uongozi wa Kundi B la michuano ya Ligi Daraja la Pili (SDL) baada ya jana (Desemba 27 mwaka huu) kuizamisha JKT Rwamkoma ya Mara mabao 2-1.

Kwa matokeo hayo katika mechi hiyo iliyochezwa Uwanja wa CCM Kirumba, Mbao FC imeitoa kileleni JKT Rwamkoma baada ya kufikisha pointi tisa kwa kushinda mechi zote tatu dhidi ya Arusha FC, Pamba na JKT Rwamkoma.

Mbao FC inafuatiwa na JKT Rwamkoma yenye pointi sita, Arusha FC pointi sita wakati Bulyanhulu na Pamba zikiwa za mwisho kwa pointi moja kila moja. Kundi hilo litakamilisha mzunguko wa kwanza Januari 3 mwakani kwa mechi kati ya JKT Rwamkoma na Arusha FC, na Bulyanhulu na Mbao FC.

Katika kundi A, Mji Mkuu (CDA) na Singida United ndizo zinazochuana kileleni kwa kufikisha pointi saba kila moja. Timu hizo zinafuatiwa na Milambo yenye pointi nne, Mvuvumwa FC yenye pointi moja wakati Ujenzi Rukwa ni ya mwisho ikiwa haina pointi.

Hata hivyo, Mvuvumwa FC na Milambo ziko nyuma kwa mechi moja. Mechi hiyo ya kukamilisha raundi ya tatu kati ya timu hizo itachezwa kesho (Desemba 29 mwaka huu) kwenye Uwanja wa Lake Tanganyika mjini Kigoma.

Kiluvya United imeendelea kuchachafya kundi C baada ya kushinda mechi zote ne ilizocheza, hivyo kufikisha pointi 12. Inafuatiwa na Mshikamano yenye pointi saba huku Abajalo ikiwa katika nafasi ya tatu kwa pointi 6.

Nafasi ya nne inashikwa na Transit Camp yenye pointi nne, Cosmopolitan yenye pointi mbili ni ya tano wakati Kariakoo ambayo haina pointi ni ya mwisho. Hata hivyo, Cosmopolitan na Kariakoo zina mchezo mmoja mkononi.

Mechi zinazofuata za kundi hilo ni Januari 3 mwakani kati ya Kariakoo na Mshikamano na Mshikamano (Ilulu), Transit Camp na Abajalo (Mabatini), na Cosmopolitan na Kiluvya (Karume).

Kundi D, vinara bado ni Njombe Mji yenye pointi 12 ikifuatiwa na Wenda yenye pointi sita wakati Volcano FC iko nafasi ya tatu ikiwa na pointi tano. Mkamba Rangers ina pointi nne, Town Small Boys ina pointi moja wakati Magereza FC haina pointi.

Katika kundi hilo leo (Desemba 28 mwaka huu) kutakuwa na mechi kati ya Town Small Boys na Magereza itakayochezwa Uwanja wa Majimaji mjini Songea.  Januari 3 mwakani kutakuwa na mechi kati ya Town Small Boys na Njombe Mji, Volcano FC na Magereza, na Wenda na Mkamba Rangers.

IMETOLEWA NA SHIRIKISHO LA MPIRA WA MIGUU TANZANIA (TFF)

-UKAWA WAMVAA JK,WASEMA MAZITO,DK SLAA AMVAA YEYE NA USALAMA WA TAIFA WAKE

Pichani ni Mwenyekiti wa Chama cha Wananchi CUF Profesa Ibrahimu Lipumba Akizungumza na Waandishi wa Habari leo jijini Dar es Salaam picha na Exaudi MTEI

NA KAROLI VINSENT

WAKATI wananchi wakiwa bado hawajalizika kuhusu  Hatua alizochukua Rais Jakaya Kikwete, Juu ya maamuzi ya Bunge kuhusu ufisadi wa Zaidi bilioni 306 kwenye Akanti ya Tegeta Escrow,kutokana na Rais Kikwete kulikejeri Bunge kwa kuyatupia mbali mapendekezo mengi ya Bunge .

       Nao Umoja wa Vyama vya vikuu vya Upinzani nchini ambavyo vinaunda Umoja wa Kutetea Katiba ya Wananchi UKAWA vimeibuka na kumvaa Rais Jakaya Kikwete na kusema anahusika kwa kiasi kikubwa kwenye Ufisadi kwa kitendo chake cha kumtetea Mmiliki wa wa kampuni ya Independent power  limited  (IPTL), Bwana Harbnder Singh (Singasinga)

     Na Kusema Umoja huo utaanzisha Maandamano nchi nzima kupinga Ufisadi huo ambao wanadai unalindwa na Rais Kikwete kutokana na yeye kuhusika katika Wizi huo .

        Kauli hiyo ya Vyama vikuu vya Upinzani vinavyounda UKAWA umetolewa leo  Jijini Dar es Salaam na Mwenyekiti wa Umoja huo ambaye pia ni Mwenyekiti wa Chama cha Wananchi CUF Profesa Ibrahimu Lipumba wakati wa mkutano na waandishi wa Habari uliohitishwa Mahususi ili kuzungumzia hutuba ya Rais Kikwete kuhusu sakata hilo ambapo –

       Profesa Lipumba alisema inasikitisha kuona Rais Jakaya Kikwete ameacha kulitetea shirika la Umeme Tanesco na kuwatetea Mataperi wa IPTL ambao wameliingizia hasara la mabilioni ya Fedha shirika  hilo.

“Hutuba ya Rais kikwete imekuwa mtetezi mkubwa wa Mmiliki wa PAP,anaacha kulitetea shirika la umma la Tanesco,harafu anadanganya umma kwa kiasi kikubwa  kusema kwamba pesa za IPTL si za Umma hivi anashindwa hata kuelewa Ripoti ya Mkaguzi Mkuu wa Serikal CAG  ambayo inaonyesha wazi kwamba wamiliki hawa wamefanya utaperi wa wazi kabisa katika umiliki wake “

   “Taarifa za mauzo ya Kampuni ya Mechmar kwenda piper link kwenda PAP ziliwasilishwa katika taasisi mbalimbali za Serikali na bwana Singh sote tunafahamu ni kughushi nyaraka ili akwepe Kodi na hili ni kosa,hivi Kikwete alioni hili?”alihoJi Profesa lipumba.

        Profesa lipumba alizidi kusema hata Maazimio yanayotokana na Taarifa ya CAG inayoonyesha wazi kuwa PAP siyo mmiliki wa halali wa wa hisa za Kampuni ya Mechmar lakini Rais Kikwete hakuliona hilo.

Pichani ni Dokta Slaa akizungumza na wanahabari leo

     Kwa Upande wake Katibu  mkuu wa Muungano vya hivyo wa Vya Upinzani vinavyounda UKAWA ambaye pia ni Katibu mkuu wa Chama cha Demokrasia na Maendeleo CHADEMA Dokta Wilbroad Slaa amesema Umoja umepanga kuzunguka nchi nzima ikiwemo kuandaa maandamano kupinga kile wanachodai Rais Jakaya Kikwete amewalinda wezi wa Ufisadi huo.

       Dokta Slaa aliongeza kuwa Kitendo cha Rais kikwete kuwatetea Wamiliki wa kampuni ya IPTL ni wazi Rais Kikwete anahusiki kutokana na kuwepo kwa ushahidi way eye kuhusika na Wezi huo.

     “Tunajua wazi kwamba Rais kikwete kuhika na wizi huo kwani kunamtu mmoja anaitwa Guruma ambaye katika watu waliopewa na bwana James Rugimalira jina lake limetajwa kupokea mabilioni ya Fedha na mtu huyo mimi namfahamu sana,Bwana Guruma anajulikana sana ni msimamizi wa Miradi ya Rais kikwete na leo kachukua pesa za Escrow unategemea nini hapa na ndio maana anasuasua kuwachukulia hatua wamiliki wa IPTL”Alisema Dokta Slaa.

        Aidha,Dokta Slaa alisema kitendo cha Ufisadi huo kutoke  na Idara ya Usalama wa Taifa kushindwa kulinda  nchi kwenye ufisadi huo ni wazi idara hiyo imeshindwa kazi.

    “Usala wa Taifa upo kila Barozi inashangaza sana kuona Idara hii inashindwa kuona utaperi wa mmiliki wa IPTL au tutegemee nini ndio maana hata kwenye Ufisadi wa EPA,tuliona Jinsi Kampuni iliyokuwa ikimilikiwa na Ofisa wa Usalama wa Taifa ilivyochota pesa unategemea nini”

       “Na hata alivyosema mara baada ya kutua uwanja wa ndege  alipotoka kutibiwa anavyosema alijui sakata hili kutokana na yeye kuh umwa, ni kuwadanganya watanzania kwani baada ya masaa mawili kutoa uwanja wa ndege  hapo,niliona email aliyekuwa akitumiana na bwana Rugimalira,sasa huyo ni kiongozi kweli”alihoji Dokta Slaa.

James mbatia

     Naye Mwenyekiti wa chama cha NCCR Mageuzi James Mbatia alisema ni Rais kikwete amekosa maamuzi katika nchi kutokana na ktendo chake cha kushindwa kuwachukulia hatua waliohusika na kusema pesa za wananchi zimepotea huku taifa likiosa fedha hususani  wao wabunge mapaka sahivi  hakuna hata  mbunge aliyepata hata mshahara.

        Umoja huo wa UKAWA ni muunganiko wa Vyama vya CHADEMA,CUF na NCCR pamoja NLD.

PUNGUZO KABAMBE ZA TIKETI ZA SAUTI ZA BUSARA KWA WATANZANIA

Tamasha kubwa la muziki linalofanyika kila mwaka la Sauti za Busara, maarufu pia kama tamasha  kirafiki duniani mara zote limekua likitoa kipaumbele katika upatikanaji wake kwa wenyeji. Tamasha lijalo litavikutanisha vikundi 19 kutoka Tanzania kutumbuiza kuanzia tarehe 12 hadi 15 Februari 2015. Kiingilio ni bure kwa waenyeji kabla ya saa 11 jioni na baada ya hapo ni shilingi 3,000/= tu kwa watanzania wote ili waweze kuhudhuria Tamasha! Zaidi ya hapo, watoto wanaruhusiwa kuingia bila kutozwa chochote hivyo basi wenyeji  wanachotakiwa ni kujitokeza nakusherekea muziki wa Afrika huku wakipeperusha bendera ya Bongo, pamoja na wageni.

Kwa kupitia mchango wa Sauti za Busara, Tanzania inaendelea kujidhatiti katika ramani ya dunia katika suala zima la utalii wa kiutamaduni. Mkurugenzi wa tamasha, Yusuf Mamoud anasema “Sauti za Busara inawaleta watu pamoja, hutoa ajira, inasaidia kuimarisha tamaduni za asili, inaendeleza wasanii pamoja na kukutana na kujifunza kutoka kwa wenzao, lakini pia inatangaza utalii wa kiutamaduni wa Tanzania. Mbali na hapo, Sauti za Busara inafanya kazi kubwa katika nchi: kukuza amani na umoja kwa kuheshimu utofauti na mchanganyiko wa tamaduni mbali mbali”.

Wakiwemo pamoja na wasanii wakubwa wa kimataifa kama Blitz the Ambassador kutoka Ghana, Tcheka (Cape Verde), Isabel Novella (Mozambique), Aline Frazao (Angola), Octopizzo na Sarabi kutoka Kenya na Ihhashi Elimhlophe wa Afrika kusini, wasanii watakaowakilisha Tanzania katika Sauti za Busara 2015 ni: Alikiba, Msafiri Zawose, Leo Mkanyia, Culture Musical Club, Mgodro Group, Mabantu Africa Ifa Band, Cocodo African Music, Rico Single, Mwahiyerani, Zee Town Sojaz, Kiki KIdumbaki na wengine wengi.

MATUMIZI YA TIKETI ZA ELEKTRONIKI

Kamati ya Utendaji ya Shirikisho la Mpira wa Miguu Tanzania (TFF) iliyokutana jana (Desemba 19 mwaka huu) jijini Dar es Salaam, imezingatia upungufu uliopo katika utekelezaji wa matumizi ya tiketi za elektroniki.

Hivyo, Kamati hiyo imeiagiza Sekretarieti ya TFF kuwasiliana na benki ya CRDB inayoendesha mfumo huo wa matumizi ya tiketi za elektroniki kuhusu upungufu huo na kuhakikisha unafanyiwa kazi.

MAREKEBISHO YA KATIBA YA TFF

Kamati ya Utendaji ya TFF imerejea mazungumzo kati yake na ujumbe wa Shirikisho la Kimataifa la Mpira wa Miguu (FIFA) uliokuwa nchini ukiongozwa na Meneja wa Vyama Wanachama wa FIFA, James Johnson.  

Mazungumzo hayo kuhusu Katiba ya TFF yalifanyika Desemba 18 mwaka huu jijini Dar es Salaam.

Kamati ya Utendaji inasubiri rasimu ya Katiba hiyo kutoka FIFA ili iweze kufanya utaratibu wa kuwaarifu wanachama wake juu ya maudhui ya rasimu hiyo.

Shughuli ya FIFA kurekebisha katiba za nchi wanachama wake inaendelea duniani kote, na kwa Afrika kazi hiyo imekamilika katika nchi za Namibia, Zimbabwe na Malawi.

USHIRIKIANO KATI YA TFF NA SAFA

Kamati ya Utendaji imepitia na kupitisha makubaliano ya ushirikiano kati ya TFF na Chama cha Mpira wa Miguu Afrika Kusini (SAFA).

Makubaliano hayo ni ushirikiano katika nyanja za mpira wa miguu wa vijana, maendeleo ya waamuzi, ufundi, menejimenti ya matukio (event management) na utafutaji udhamini (sponsorship).

KANUNI ZA LESENI ZA KLABU (CLUB LICENSING REGULATIONS)

Kamati ya Utendaji imejadili rasimu ya Kanuni za Leseni za Klabu (Club Licensing Regulations), na kuagiza Kamati ya Sheria na Hadhi za Wachezaji ifanye marekebisho ya mwisho, kabla ya kanuni hizo kusainiwa na kuanza kutumika.

UANZISHAJI MFUKO WA MAENDELEO YA MPIRA WA MIGUU (FDF)

Kamati ya Utendaji imepokea taarifa ya maendeleo ya mchakato wa uanzishwaji wa Mfuko wa Maendeleo ya Mpira wa Miguu (Football Development Fund- FDF).

Imeipongeza Kamati ya Mfuko huo inayoongozwa na Rais wa zamani wa TFF, Leodegar Tenga, na kuitaka fanye jitihada za kukamilisha rasimu ya kanuni za uendeshaji mfuko huo.

Mbali ya Tenga, wajumbe wengine wa mfuko huo ni Ayoub Chamshama, Ephraim Mafuru, Frederick Mwakalebela, Tarimba Abbas na Zarina Madabida. Sekretarieti ya mfuko huo inaundwa na Henry Tandau ambaye ni Katibu, Wakili Emmanuel Muga na Boniface Wambura.

FDF ambao ni mfuko utakaokuwa unajitegemea utakuwa unashughulika na maendeleo ya mpira wa miguu kwa vijana, na nyanja nyingine za maendeleo kwa mchezo huo.

MKUTANO MKUU KUFANYIKA SINGIDA MACHI 14

Kamati ya Utendaji ya Shirikisho la Mpira wa Miguu Tanzania (TFF) imepanga Mkutano Mkuu wa Kawaida wa mwaka ufanyike Machi 14 na 15 mwakani mjini Singida.

MGOGORO NDANI YA ZFA

Kamati ya Utendaji imepokea kwa masikitiko taarifa za masuala ya mpira wa miguu Zanzibar kupelekwa mahakamani.

Kwa mujibu wa Shirikisho la Kimataifa la Mpira wa Miguu (FIFA) kitendo hicho ni kinyume cha taratibu za uendeshaji mpira wa miguu ambazo zinakataza masuala ya mchezo huo kupelekwa katika mahakama za kawaida.

Kamati ya Utendaji inatoa rai kwa pande zote mbili zinazohusika na mgogoro huo kukaa kwenye meza ya mazungumzo ili kumaliza tofauti zao.

Kamati ya Utendaji imejitolea kutuma ujumbe wake Zanzibar ili ukutane na pande zinazohusika katika mgogoro huo.

Ni muhimu usuluhisho upatikane haraka ili tuweze kujua hatma ya washiriki wetu kwenye michuano ya Kombe la Mapinduzi.

IMETOLEWA NA SHIRIKISHO LA MPIRA WA MIGUU TANZANIA (TFF)

SITAJIUZULU MPAKA JK ANIAMBIE;TIBAIJUKA

Pichani ni Waziri  Ardhi,Nyumba na Maendeleo ya Makazi Profesa Anna Tibaijuka  akizungumza na waandishi wa Habari leo Jijini Dar Es Salaam

 

 

    SIKU chache kupita baada ya Mwanasheria Mkuu wa Serikali Jaji Fredrick Werema kumwandikia Barua Rais Jakaya Kikwete ya Kujiuzulu na Rais kuridhia kujuzulu kwake na kumshukuru kwa kazi aliyofanya.

 

        Naye Waziri  Ardhi,Nyumba na Maendeleo ya Makazi Profesa Anna Tibaijuka amekuja Juu na kuwavaa wanaotaka yeye ajiuzulu na kusema hawezi kufanya hivyo kutokana na  kutohusika katika wizi huo,

 

Pichani ni Waandishi wa Habari kutoka Vyombo Tofauti wakimasikiliza waziri Tibaijuka

     Na kusema  pesa alizopewa  zaidi ya Bilioni 1.6 na Mbia wa Kampuni ya IPTL bwana James Rigimarila ilikuwa kwa ajili ya kusaidia kuboresha elimu ya mwanamke na kumkomboa kutoka kwenye hali duni ya elimu.

 

     Kauli hiyo ambayo imekuwa ni Tofauti na Matarajio ya Wengi imetolewa Mda leo jijini Dar Es Salaam na Waziri huyo wa Ardhi,Nyumba na Maendeleo ya Makazi Profesa Anna Tibaijuka wakati wa mkutano na waandishi wa Habari 

 

Pamoja na Mambo Mengine Waziri Tibaijuka akizungumza kwa uchugu  alisema hawezi kujiuzulu kutokana na yeye kutohusika katika ufisadi huo.

        “Mimi Nijiuzulu kwa sababu gani? yaani kwa sababu ya mafanikio ya kuwakomboa wanawake kwenye Elimu ndio mimi nijuzulu,maana kujiuzulu kunasababu, na hakuna sababu ya mimi kufanya hivyo na sitofanya hivyo kwani wanaodai mimi nijiuzulu ni wanafiki wenye nia mbaya na mimi ,na mimi sijiuzulu ng’o na nikifanya wanavyotaka Rais atashangaa ”alisema Waziri Tibaiujuka.

 

      Waziri Tibaijuka aliongeza kuwa madai anayodaiwa kupewa pesa zaidi ya Bilioni 1.6 na Mbia wa Kampuni ya IPTL bwana james Rugimalira ilikuwa kwa ajili ya kuinua elimu  ya wanawake  kwa kuikomboa shule ya  Barbro Johansoon  ambapo waliochangia kwenye Shule hiyo ni wengi kuliko bwana James Rugimalira.

“Leo natuhumiwa na kila mtu kwamba nimepewa pesa na Rugimalira kwamba ni za kifisadi,Jamani tuwe wa kweli kuhusu madai haya maana nimepewa pesa na Rugimalira kwa ajiri ya shule hizi na sio huyo pekee alliyechangia kwani waliochangia pesa hizi ni watu wengi ikiwema Rais wa Awamu ya Tatu,Benjamin Mkapa,Mfanya Biashara Maarufu Reginald Mengi na wengine wengi,inakuwaje leo mchango wa Rugumarila kwa Ajiri ya Elimu kwenye Shule hii ndio iwe nongwa”

 

 

“Kwasababu ukisema ni pesa alizonipa ni za ufisadi wa Escrow sio kweli,kwani Bodi ya Shule ilimuomba Bwana Rugimalira pesa kwa kutumia Kampuni yake ya Mabibo Wine na kipindi kile ndio alikuwa kiongozi, sasa hawa watu wanaozani ni za ufisadi inakuwaje jamani tuwe wakweli”Aliongeza Waziri Tibaijuka.

 

Waziri Tibaijuka akiongea kwa uchungu huku kama akitaka kulia alivishangaa vyombo vya Habari hususani Magazeti kumtuhumu kana kwamba ndio Mhusika wa Ufisadi wa Escrow

“Taifa la Ujerumani liliteketea kwa Uwongo uliokuwa ukienezwa,na Tanzania ndio tunaelekea huko yaani Magazeti yananituhumu mimi kwamba mimi ni mhusika wa Escrow,hivi haya Magazeti yana nini jamani hivi kweli huyo ni Mwandishi wa Habari kweli,na gazeti linaandika Escrow ya Tibaijuka,hivi msaada wangu wa kuwakomboa Wanawake kielimu ndio imekuwa haya jamani mbona hatuna hofu ya Mungu?”alihoji Waziri Tibaijuka.

JK AFARIJI FAMILIA YA MWAIBALE,MWILI WASAFIRISHWA KWENDA MBEYA LEO KWA MAZISHI

 Mdogo wa Mwisho wa akina Mwaibale Ambwene  akitoa salam za Mwisho kwa Marehemu mama yake

 Dada Mkubwa wa akina Mwaibale Mary Anyitike ambaye ni Kamishna Mkuu Msaidizi  wa Skauti Shughuli za Vijana Taifa akitoa salam za Mwisho za kuuaga mwili wa Marehemu Mama yao

 Dotto Mwaibale Akiaga Mwili wa Marehemu mama yake

Kulwa na Dotto Mwaibale wakiuaga Mwili wa Marehemu mama yao

 Kulwa Mwaibale akiwa ameshikiriwa na ndugu zake Baada ya Kuaga Mwili wa Mama yake

 Mkurugenzi Mkuu wa Kampuni ya Global Publishers Eric Shigongo akiwa anaaga Mwili wa Marehemu

 Muhidin Issa Michuzi Mmiliki wa Michuzi Blog akitoa Heshima za mwisho katika Mwili wa Marehemu

 Meneja Mkuu wa Kampuni ya Global Publishers Akitoa Heshima za Mwisho katika Mwili wa Marehemu

Muhidin Issa Michuzi wa katikati na Abdalah Mrisho wa kwanza kulia wakimpa pole Dotto Mwaibale

 

 

Kulwa na Dotto Mwaibale wakiwa katika ya pamoja na Baadhi ya waandishi kutoka Jambo leo, Global Publishers, Habari Maelezo na vyombo vyengine vya Habari

 

 Kulia ni Kulwa na kushoto ni Dotto Mwaibale wakiwa na sura za Majonzi wakati wa Ibada fupi ya Kumuombea Mama yao Mpendwa kabla ya kuanza Safari ya kwenda Mbeya

Baadhi ya Bloggers wakiwa katika Msiba wa Mama yao Dotto, Kulwa na Nico Mwaibale kutoka kushoto ni Geoffrey Adroph  wa Pamoja Blog, Cathbert Kajuna wa Habari na Matukio Blog na Joachim Mushi wa The Habari blog

 

 

Baadhi ya  Waombolezaji wakiwa katika Majonzi

 

 

Waombolezaji wakiwa katika Shughuli ya Kuuaga mwili wa Mama yao Dotto,Kulwa na Nico Mwaibale 

******

Rais wa Jamuhuri ya Muungano wa Tanzania Dkt. Jakaya Mrisho Kikwete atuma salamu za Rambirambi katika Familia ya Mwaibale Kwa kuondokewa na Mama  Mzazi wao mpendwa Bi.Twitikege Mlagha Mafumu aliye fariki majira ya saa 5 usiku siku ya jumamosi wakati akikimbizwa hosipitali ya hindra kwaajiri ya Matibabu

Akiwasilisha salaamu hizo kwaniaba ya Rais Jakaya Kikwete Meneja Mkuu wa Globabal Publishers Limited Abdalah Mrisho Ameweza  kutoa pole  kwa wafiwa wote kwa ujumla wakiwakilishwa na Kulwa,Dotto na Nico Mwaibale Hivyo Kuwa na Moyo wa uvumilivu katika kipindi kigumu kilicho wafika familia ya Mwaibale

Vilevile Aliweza simama Kwa niaba ya Wanahabari Abdalah Mrisho aliweza kufikisha salaamu hizo Kwa kuwapa pole familia na wote walio guswa na msiba wakiwemo ndugu,jamaa na marafiki wa ndugu yetu mpendwa ambaye kwa sasa ni marehemu Bi. Twitikege Mlagha Mafumu

Mwili wa ndugu yetu Mpendwa  umeagwa leo Mchana majira ya saa 6 katika Hospitali ya Wilaya ya Temeke na kuanza safari  ya kuusafirisha kwa kwenda  kumpumzisha  mama mpendwa katika kijiji cha Kibumbe,Wilayani Rungwe Mkoani Mbeya  ambapo Anatarajiwa kuzikwa  kesho Tar 17 alasil mwezi wa kumi na mbili (12) Mwaka huu

Tunapenda kutoa pole kwa wafiwa wote na Mungu ailaze Roho ya Marehemu Mahali Pema peponi Amen

WEREMA AJIUZULU NAFASI YA MWANASHERIA MKUU WA SERIKALI

A

Mwanasheria Mkuu wa Serikali, Jaji Frederick Werema amejiuzulu wadhifa wake kuanzia hii leo.

Taarifa ya Kurugenzi ya Mawasiliano ya Rais, Ikulu iliyotolewa jana na Mkurugenzi wake, Salva Rweyemamu kwa vyombo vya habari imethibitisha kujiuzulu kwa Werema kuanzia jana.

 

 Alikuwa kwenye wadhifa huo tangu mwaka 2009 alipochukua nafasi ya Johnson Mwanyika aliyestaafu.

Taarifa hiyo imeongeza kuwa, Rais Jakaya Kikwete amekubali ombi la kujiuzulu kwa mwanasheria huyo. 

 

Rais Jakaya Kikwete akimwapisha Jaji Frederick Werema kuwa Mwanasheria Mkuu wa Serikali. 

Sherehe ya kumwapisha Jaji Werema ilifanyika Ikulu jijini Dar tarehe Novemba  6, 2010 ikiwa ni siku chache baada ya Rais Kikwete kuingia madarakani kwa awamu ya pili na kumteua tena kuendelea na wadhifa huo baada ya uteuzi wa awali wa 2009. Wapili kushoto ni aliyekuwa Katibu Mkuu Kiongozi, Philemon Luhanjo na Katibu wa Baraza la Mawaziri. 

RIP AISHA MADINDA

 
 Aisha akiwa katika uhai wake
Aliyekuwa Mnenguaji na Muimbaji wa Bandi ya Twanga Pepeta Aisha Madinda amefariki dunia hivi punde Jijini Dar es salaam. Habari imethibitishwa na mmiliki wa bendi ya Twanga pepeta Asha Baraka. Mkurugenzi wa bendi ya Twanga Pepeta amesema kuwa alipewa taarifa na Daktari mmoja kuwa wameona kama mwili wa Aisha Madinda hospitalini hapo, ndipo akatuma watu kwenda kuangalia akiwemo Luiza Mbutu ili kuhakikisha kama kweli ni yeye ndipo walipogundua ni yeye.
a
“ Mimi nipo njiani natoka Kigoma kuja Dar es Salaam, ni habari ya kusikitisha sana maana Aisha amefariki katika mazingira ya kutatanisha sana, jana alikuwa mzima na anachati na watu kwenye simu leo napigiwa simu mwili wake umekutwa umehifadhiwa kwenye hospitali ya Mwananyamala, hata sielewi nini kimetokea”. Amesema Asha Baraka

Mungu ailaze roho ya Marehemu Aisha Madinda mahali pema peponi , Amina

Wema Atoa FACT 5 Za Ukweli Kuhusu Zamaradi Mtetema

• 

Mara baada ya mtayarishaji na mtangazaji wa kipindi cha maswala filamu nichini cha TAKE ONE, Zamaradi Mtetema kuweka bandiko mtandaoni, akiwatata mashabiki na wapenzi wake, wataje mambo matano ambayo niyaukweli kuhusu yeye Zamaradi kwa jinsi wanavyomuona na atatoa zawadi kwa yule atakae patia.
Bandiko lilisema;

"If someone managed kunitajia hata FACT 5 about me za ukweli kulingana na unavyoniona... nna zawadi yako kubwa and I AM SERIOUS.... Unahisi nikoje!!? only 5 facts then ntasema nani kapatia plus mentioning my other ones... okay legooooo "

Baada ya watu kadhaa kujitokeza na kuanza kuzitaja, Muigizaji Wema Sepetu nae akaibuka na kuzitaja hizi; Unajipenda sana, Unampenda sana mwanao,Unapenda kupendeza,short tempered, na unapenda kupendwa.
Hata hivyo Zamaradi aliibuka na kumwambia Wema kiutani kuwa asijisumbue kwani zawadi hawezi kupewa.
Hivi nivijimambo tuu!!!.

RAIS KIKWETE ACHARUKA AWATIMUA KAZI WAKURUGENZI,WAZIRI GHASIA AGOMA KUJIUZULU,ALIVAA GAZETI LA TANZANIA DAIMA SOMA HAPA

Pichani ni Waziri wa Nchi Ofisi ya Waziri Mkuu, Tawala za Mikoa na Serikali za Mitaa (Tamisemi)  Hawa Ghasia akizungumza na waandishi wa habari

WAKATI ikiwa Viongozi Mbalimbali wa Vyama vya Kisiasa pamoja na Wananchi wakiwalahumu Watendaji wa Serikali kwa kufanya makosa na kupelekea kuwepo na Dosari nyingi kwenye Uchaguzi wa Serikali za mitaa ulimalizika Mwishoni mwa wiki iliyopita.

 

      Nayo Serikali imeibuka na kuwafukuza kazi Wakurugenzi wa Halmashauri mbalimbali nchini na  wengingine ikiwasimamisha  kazi kutokana na uzembe  waliofanya uliopelekea kuwepo na dosari nyingi kwenye uchaguzi huo wa Serikali za Mitaa. 

 

      Hayo yametangazwa leo Jijini Dar es Salaam na Waziri wa Nchi Ofisi ya Waziri Mkuu, Tawala za Mikoa na Serikali za Mitaa (Tamisemi)  Hawa Ghasia wakati wa mkutano na waandishi wa Habari ambapo aliwataja Wakurugenzi waliosimaishwa kazi kutokana na Udhembe huo   ni  Felix T.Mabula-kutoka Hamalshauri,,Fourtunatus Fwema Halmashauri ya Mbulu,Bi Isabella D,Chilumba kutoka Halmashauri ya  Ulanga,Bi Pendo Malabeja kutoka Kwimba pamoja na Wiliam Z Shimwela kutoka Sumbawanga.

Waandishi Wa Habari kutoka vyombo mbalimbali vya Habari wakimsikiliza Hawa Ghasia  leo jijin Dar

   Waziri Ghasia aliwataja tena wakurugenzi ambao uteuzi wao umetenguliwa  kutokana na  kupelekea Dosari hizo ni Bwana Benjamini A Mojoro ,Kaimu Mkurugenzi wa Mtendaji Mkuranga,Abdalla Ngodu,mkurugenzi Mtendaji wa Hamalshauri ya Kaliua,Masalu Mayaya,mkurugenzi wa Kasulu,Bibi Goody Pamba mkurugenzi Mtendaji wa  Serengeti,Julius A madiga  kutoka Sengerema na Simon CR Mayeye mkurugenzi Mtendaji wa Bunda.

 

          Vilevile,Waziri Ghasia alisema Serikali pia imewapa Onyo kali ikiwemo na kuwaweka chini ya Uangalizi na kama ikibainika wana udhaifu Mwingine Serikali haitosita kuwachukulia hatua ambao ni

Mohamed A.Maje kutoka Halmashauri ya Rombo,Hamis Yuna kutoka Halmashauri ya Busega pamoja na Jovin A Jungu kutoka Halmashauri ya Muheza.

 

       Hatahivyo,Waziri Ghasia aliwataja pia Wakurugenzi waliopewa onyo tu ni Isaya Mngulumi kutoka Manispaa ya Ilala,Melchizedeck Humbe kutoka Manispaa ya Hai pamoja na Wallace J Karia kutoka Mvomero.

 

  

               Ambapo waziri Ghasia alisema uamuzi huo wa kuwafukuza watendaji hao  umetokana na ripoti alizopokea kuhusu masuala yaliyojitokeza katika uchaguzi huo wa serikali za mtaa na  na kwenda kinyume na sharia ya Ibara ya 36 (1) (4) ya Jamhuri ya Muungano wa Tanzania ya mwaka 1977  na Rais ameridhia kuchukuliwa hatua hizo, ambapo pia alisema ni dhahiri kuwa wakurugenzi wa Halmashauri hizo -

       Wameonesha Udhaifu mkubwa katika kutekeleza Jukumu la Usimamizi wa Uchaguzi ambalo ni moja ya majukumu ya ukurugenzi.

        Alizitaja Kasoro walizofanya Wakurugenzi hao  ni Kuchalewa kuandaa Vifaa vya kupigia kura,kukosa umakini katika kuandaa Vifaa hasa karatasi za kupigia kura na zengine kuwa na Makosa,Kuchelewa kupeleka -

     Vifaa kwenye vituo vya kupigia kura,Uzembe katika kutekeleza Majukumu yao pamoja na kutoa taarifa za kupotosha kuhusu maandalizi wa uchaguzi kuwa yamekamilika.

        Katika Hatua Nyingine Waziri Ghasia aligoma kujiuzulu na kusema hatua alizochukua ni wazi  kwa wale waliohusika na akalitaka Gazeti la Tanzania Daima  kuandika Habari za Ukweli na kuacha kudanganya Umma.

            “Kiukweli nimeshangaa sana na Gazeti la Tanzania Daima la Jana kusema eti CCM imepoteza zaidi ya Asilimia 80 Mkoa wa Mtwala,jamani kusema ukweli mimi ni Mbunge kutoka huko ,Halmashauri zote za Mtwala CCM imeongoza kwa kishindo kikubwa inakuwaje Mwandishi tena uliosomea kuandika habari ya uongo kiasi hicho”

        “Na hili sijui mwandishi wa Gazeti hili alikuwa anamaanisha nini na kama huyo Mwandishi wa Gazeti hili angekuwa mtendaji wangu ningemwajibisha kwa kupotosha Umma”alisema Waziri Ghasia

Mshindi bora wa ubunifu wa program za simu apatikana

Ni kupitia shindano la AppStar linaloendeshwa na  kampun i ya mawasiliano ya Vodacom na Mshindi wa kwanza kwenda India kushiriki katika ngazi ya kimataifa

Roman Mbwasi ameibuka kidedea katika shindano la kutafuta vipaji vya ugunduzi wa program za simu la AppyStar lililoandaliwa na kampuni ya mawasiliano ya Vodacom Tanzania.

Shindano hilom  Likiwa linawalenga  wanafunzi wa vyuo vikuu wanaosoma  masomo ya Sayansi ya Teknolojia ya habari na Mawasiliano na watanzania wote.

Wazo la program lililomfanya kuibuka mshindi linahusu upashanaji taarifa za barabarani kupitia mtandao wa simu.

Hii ni mara ya pili kwa Roman Mbwasi kushiriki na kuwa mshindi katika shindano hili mara ya kwanza ikiwa mwaka 2012 ambapo pia aliibuka kuwa mshindi wa kwanza.Kwa ushindiwa mwaka huu

Mshindi huyo  atajinyakulia zawadi ya shilingi milioni 2 na atakwenda Bangalore nchini India kushiriki katika awamu ya pili ya shindano hili ngazi ya kimataifa litakalofanyika Januari 15,2014.

15 KUTOKA NJE WAOMBEWA USAJILI DIRISHA DOGO

Usajili wa dirisho dogo msimu wa 2014/2015 umefungwa jana (Desemba 15 mwaka huu) huku wachezaji 15 kutoka nje wakiombewa Hati ya Uhamisho wa Kimataifa (ITC) kutoka nchi mbalimbali. Wachezaji walioombewa ITC kwa timu za Ligi Kuu ni Abdulhalim Humoud kutoka Sofapaka ya Kenya kwenda Coastal Union, Brian Majwega kutoka KCC (Uganda) kwenda Azam, Castory Mumbara kutoka Three Star Club (Nepal) kwenda Polisi Mara, Charles Misheto kutoka SP Selbitiz (Ujerumani) kwenda Stand United na Chinedu Michael Nwankwoeze kutoka Nigeria kwenda Stand United. Dan Serunkuma kutoka Gor Mahia (Kenya) kwenda Simba, Emerson De Oliveira Neves Roque kutoka Emerson De Oliveira Neves Roque kutoka Bonsucesso FC (Brasil) kwenda Yanga, Halidi Suleiman kutoka Flambeau (Burundi) kwenda Stand United na Juuko Murushid kutoka SC Victoria University (Uganda) kwenda Simba. Kpah Sean Sherman kutoka Aries FC (Liberia) kwenda Yanga, Meshack Abel kutoka KCB (Kenya) kwenda Polisi Morogoro, Moussa Omar kutoka Flambeau (Burundi) kwenda Stand United, Nduwimana Michel kutoka Flambeau (Burundi) kwenda Stand United, Serge Pascal Wawa kutoka El Merreikh (Sudan) kwenda Azam na Simon Serunkuma kutoka Express FC (Uganda) kwenda Simba. Kamati ya Sheria na Hadhi za Wachezaji ya TFF inatarajia kukutana hivi karibuni kwa ajili ya kupitia usajili wa wachezaji wote walioombewa katika dirisha dogo wakiwemo wale wa mkopo. RAMBIRAMBI MSIBA WA KOCHA MADEGA Shirikisho la Mpira wa Miguu Tanzania (TFF) limepokea kwa masikitiko taarifa za kifo cha Kocha Mshindo Madega kilichotokea leo (Desemba 16 mwaka huu) mjini Bukoba. Mbali ya kuwahi kuwa mchezaji katika timu ya RTC Kagera, Kocha Madega aliwahi kufundisha timu za Kagera Stars, Mwadui na kombaini ya Copa Coca-Cola ya Mkoa wa Kagera. Mchango wake katika mchezo wa mpira wa miguu tangu akiwa kocha na baadaye kocha utakumbukwa daima. Tunatoa salama za rambirambi kwa familia ya marehemu, Chama cha Mpira wa Miguu Mkoa wa Kagera (KRFA), Chama cha Makocha wa Mpira wa Miguu Tanzania (TAFCA) Mkoa wa Kagera na klabu ya Bukoba Veterans na kuwataka kuwa na subira na uvumilivu katika kipindi hiki kigumu cha msiba huo. TFF itawakilishwa kwenye msiba huo na Chama cha Mpira wa Miguu Mkoa wa Kagera (KRFA). MICHUANO YA COPA COCA-COLA YAENDELEA KUTIMUA VUMBI Michuano ya Copa Coca-Cola kwa vijana wenye umri chini ya miaka 15 ngazi ya Taifa inaendelea leo jioni (Desemba 16 mwaka huu) kwa mechi mbili zitakazochezwa jijini Dar es Salaam na mkoani Pwani. Uwanja wa Nyumbu uliopo mkoani Pwani utazikutanisha timu za Mjini Magharibi na Dodoma katika mechi ya kundi B, wakati kundi C kutakuwa na mechi kati ya Arusha na Mwanza itakayochezwa Uwanja wa Tanganyika Packers uliopo Kawe jijini Dar es Salaam. Wakati kesho (Desemba 17 mwaka huu) ikiwa ni mapumziko, michuano hiyo itaingia hatua ya robo fainali keshokutwa (Desemba 18 mwaka huu) kwenye viwanja hivyo hivyo. IMETOLEWA NA SHIRIKISHO LA MPIRA WA MIGUU TANZANIA (TFF)

People (91) Boniface Wambura wambura70@gmail.com Show details